hassanelgniny

موقعالشيخ حسن الجناينى للرقية الشرعية
 
الرئيسيةالبوابةاليوميةس .و .جبحـثالتسجيلالأعضاءالمجموعاتدخول

شاطر | 
 

 عاوزة تتحجبي ادخلي هتحبيه بأقتناع

اذهب الى الأسفل 
كاتب الموضوعرسالة
ملك2010



المساهمات : 6
تاريخ التسجيل : 01/11/2010

مُساهمةموضوع: عاوزة تتحجبي ادخلي هتحبيه بأقتناع   الإثنين نوفمبر 01, 2010 6:48 pm








تعجبت كثيرا من هذه الحرب التي اقامها الجميع ضد الحجاب

ولكن العجب الأكثر هو لماذا تصر الفتيات على الحجاب بعد كل هذه الحرب !!!

فسألت نفسي هذا السؤال ولكني لم اجد اجابة

فقلت أسأل احدى المحجبات لعلها تخبرني عن السبب

ودار بيننا حوار قصير لقد سألتها


إنتي محجبة ليه ؟؟؟

فكانت الإجابة

أنا محجبة - بعد إيماني بأمر ربنا إن الحجاب فرض على كل مسلمة - علشان الأسباب التالية:







1- علشان انا حرة … مش من حق حد يشوف مني اللي مش عاوزاه يشوفه إلا بإرادتي … ومن حقي اختار مين اللي يشوف مني أجمل ما عندي .. واللي علشان يشوف ده ويبقى حقه وحلاله بلاله عن طيب خاطر.. لازم هو كمان يديني مشاعره واللي باقي من عمره عن طيب خاطر…








2-علشان أنا غالية .. مينفعش أقلل من قيمة نفسي واخليها عرضة لكل العيون .. ويبقى خروجي مكشوفة ضوء أخضر لكل من هب ودب يسرق مني ولو نظرة لأي جزء مش متغطي مني .. حتى لو مكنش ده قصدي … بس مش حقدر امنعه … (كامل اعتذاري لغير المحجبات.. ولكن ده اللي حيوصل منك لضعيفي النفوس حتى لو مكنش ده قصدك.. وده اللي علشانه ربنا فرض الحجاب . علشان ميطمعش الذي في قلبه مرض) … مع الأخذ في الاعتبار انه “كل من هب ودب ده” مش بس الشباب اللي بيعاكس البنات في الشارع .. ده يتضمن حتي الزبال اللي بيسوق عربية الزبالة في الشارع .. كل دول بقى من الممكن انهم يبصوا لي … لأ ده كمان يمكن ماعجبهمش ويدوروا وشهم إعراضاً








3-علشان أنا باحترم نفسي .. وشايفة نفسي كبيرة قدام نفسي .. ومينفعش أنزل سوق المنافسة في الأنوثة علشان أفوز في الآخر بنظرة شهوانية أو كلمة غزل رخيصة أو عرض صحوبية…









4-علشان انا جمالي مش خارجي وبس.. ومن حقي ان اللي ييجي يتجوزني .. واللي حاديله الباقي من عمري .. واللي حديله كل مشاعري .. واللي حاقاسمه أحلامي وأفكاري .. واللي حخلف منه ولادي .. وحاربيهم معاه .. مايختارنيش على مقاييس شكلية وبس .. أو تبقى هي دي العامل الأساسي في أختياره ليا … علشان كدة مش ضروري يشوفني في كامل زينتي وجمالي قبل ما ي! تجوزني . . الأهم انه يحب روحي ويعجب بشخصيتي .. ويرتاح معايا نفسياً.. (أصل في بنات بتأجل الحجاب لحد ما تتجوز.. على أساسا انها تكون شنكلت واحد وضمنته.. مع إن مفيش حاجة مضمونة في الزمن ده .. واللي اختارها علشان جمالها .. ممكن قوي يتجوز عليها واحدة أجمل منها.. لأنه أكيد في الأجمل منها يعني)..








5-علشان أنا باخاف على أخويا في الله اللي بيشوفني في الشغل أو في الكلية أو في المواصلات أو في الشارع .. ويمكن يكون عاوز يقرب من ربنا .. وبيجاهد نفسه علشان يغض بصره.. فمرضاش لنفسي اني اكون سبب في اني افتنه..








6-علشان أنا باشيل هم أخويا في الله اللي نفسه يتجوز ومش قادر لضعف إمكانياته المادية .. فمش ضروري يعني ازود عليه همومه… وأخيله في الرايحة والجاية ..








7-غير حاجة مهمة كمان … الكفن بتاع النساء.. فيه حجاب.. فاللي مش حتلبسه وهي حية بإرادتها طاعة الله.. حتلبسه كدة كدة وهي رايحة قبرها.. وطالما ربنا بيقول اننا نتستر حتى واحنا رايحين قبورنا وخلاص انتهى التكليف … ومحدش حيشوفنا تاني ولا حد حيطمع فينا .. يبقى مفيش معنى اننا نمشي مكشوفين لكل العيون واحنا أحياء نرزق.. يبقى الأولى اطيع ربنا بإرادتي وأقابله وهو راضي عني واخد أجري كامل.. ولاّ اني ملبسوش غير وانا جثة واقابل ربنا وهو غضبان عليا؟


والأسباب اللي فوق دي .. هي اللي فهمتني ليه ربنا فرض علينا الحجاب.. مش تعسير ولا تضييق .. الحجاب فعلا عزة وكرامة.. ميعرفهاش غير اللي داق طعم الستر..

ربنا يهدينا ويهدي بنات المسلمين



ولعلي ارتحت بعد هذا الحوار

ولكن عندي سؤال يطرح نفسه


الي اي بنت لا ترتدي الحجاب

انتي مش محجبة ليه ؟؟؟؟


منقووول







Smile
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ملك2010



المساهمات : 6
تاريخ التسجيل : 01/11/2010

مُساهمةموضوع: رد: عاوزة تتحجبي ادخلي هتحبيه بأقتناع   الإثنين نوفمبر 01, 2010 6:52 pm

انا مش فاهمه انا ضفت الموضوع

وعماله اعمل تعديل مفيش خالص حاجه راضيه تتغير بعد التعديل


لو ممكن حد يرد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ملك2010



المساهمات : 6
تاريخ التسجيل : 01/11/2010

مُساهمةموضوع: سؤال   الإثنين نوفمبر 01, 2010 6:55 pm

انا ضفت الموضوع

وبعدين عماله اعمل تعديل ليه مفيش خالص حتي شيلتو وضفتو صح

لقيته بردو هو هو بالغلطات

وكمان الخط مش بيكبر مش فعال اصلا

ممكن رد من الادارة المسئوله عن الموقع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
عاوزة تتحجبي ادخلي هتحبيه بأقتناع
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
hassanelgniny :: المنتدى العام-
انتقل الى: